Psa 93 | VulgJ | STEP | psalmus David quarta sabbati Deus ultionum Dominus Deus ultionum libere egit Deus ultionum Domine Deus ultionum ostendere

Psalms 93

1 psalmus David quarta sabbati Deus ultionum Dominus Deus ultionum libere egit ^va 2 exaltare qui iudicas terram redde retributionem superbis ^va 3 usquequo peccatores Domine usquequo peccatores gloriabuntur ^va 4 effabuntur et loquentur iniquitatem loquentur omnes qui operantur iniustitiam ^va 5 populum tuum Domine humiliaverunt et hereditatem tuam vexaverunt ^va 6 viduam et advenam interfecerunt et pupillos occiderunt ^va 7 et dixerunt non videbit Dominus nec intelleget Deus Iacob ^va 8 intellegite qui insipientes estis in populo et stulti aliquando sapite ^va 9 qui plantavit aurem non audiet aut qui finxit oculum non considerat ^va 10 qui corripit gentes non arguet qui docet hominem scientiam ^va 11 Dominus scit cogitationes hominum quoniam vanae sunt ^va 12 beatus homo quem tu erudieris Domine et de lege tua docueris eum ^va 13 ut mitiges ei a diebus malis donec fodiatur peccatori fovea ^va 14 quia non repellet Dominus plebem suam et hereditatem suam non derelinquet ^va 15 quoadusque iustitia convertatur in iudicium et qui iuxta illam omnes qui recto sunt corde diapsalma ^va 16 quis consurget mihi adversus malignantes aut quis stabit mecum adversus operantes iniquitatem ^va 17 nisi quia Dominus adiuvit me paulo minus habitavit in inferno anima mea ^va 18 si dicebam motus est pes meus misericordia tua Domine adiuvabat me ^va 19 secundum multitudinem dolorum meorum in corde meo consolationes tuae laetificaverunt animam meam ^va 20 numquid aderit tibi sedis iniquitatis qui fingis dolorem in praecepto ^va 21 captabunt in animam iusti et sanguinem innocentem condemnabunt ^va 22 et factus est Dominus mihi in refugium et Deus meus in adiutorem spei meae ^va 23 et reddet illis iniquitatem ipsorum et in malitia eorum disperdet eos disperdet illos Dominus Deus noster

^va